Përurohet aneksi i shkollës ‘Faik Konica’

Kryetari i Prishtinës, Isa Mustafa përuroi të mërkurën aneksin e shkollës fillore “Faik Konica”, ndërsa duke folur për fushatën, ai përsëriti qëndrimin e tij se një gjë e tillë është bërë kur është dhënë premtimi për rritjen e pagave të arsimtarëve nga Partia Demokratike e Kosovës.
Kryetari i Prishtinës u prit nga nxënësit, të cilët brohoritnin emrin e tij, ndërsa deklaroi se ky aneks është ndihmë e madhe për shkollën në qendër të Prishtinës.

Në pyetjen se a ka të bëj kjo me fushatën, ai tha se projektet komunale përfundojnë në fund të vitit derisa zgjedhjet janë bërë para kohe, andaj sipas tij çdo gjë është rastësi. Mirëpo, duke folur për fushatën, ai përsëriti qëndrimin e tij se një gjë e tillë është bërë kur është dhënë premtimi për rritjen e pagave të arsimtarëve nga Partia Demokratike e Kosovës.

Kryetari i Prishtinës, duhej të përuronte edhe aneksin në shkollën fillore “Dardania”, mirëpo nuk ishte i pranishëm.