NBA: Raptors fitore të ngushtë ndaj Celtics

Amir Johnson ka shënuar dy gjuajtje të lira me dy sekonda të mbetura për t’i dhënë Toronto Raptors fitoren 102-101 ndaj Boston Celtics në takimin e mbrëmshëm.
Italiani Andrea Bargnani shënoi pikët më të larta në ndeshje, 29, për Toronto, të cilët pas një avantazhi prej 12 pikësh në çerekun e katërt e dobësuan atë deri në tre me 21 sekonda të mbetura.

Paul Pierce shënoi 19 pikë, por huqi një goditje që mund të ishte vendimtare, kur koha përfundoi në fushë, derisa Nate Robinson shënoi pikët më të larta të sezonit, 22, për Boston.

Fitorja e Raptors ndaj Celtics ishte e para që nga viti 2008, vit kur Celtics për të fundit herë kishin pësuar dy humbje radhazi. Kjo ishte e treta fitore radhazi për Raptors dhe e pesta e sezonit (nëntë humbje), derisa për Bostonin ishte humbja e katërt e sezonit (nëntë fitore).